Hoyga Barashada Diinta Islaamka Al Hidaaya.info - Xadiiska Koowaad Ee Kitaabka Arbiciinka 1.Miisaanka Camalku Waa Niyadda

Maxaad ka xiiseysaa webkaan Al Hidaaya?

	Quraan Iyo Tafsiir
	Duruus
	Muxaadaro
	Siiro
	Taariikh Iyo Qisooyin
	Maqaalo Diini Ah

Login Form

Ogaysiis Mihiim ah:- wax alla wixii ku jira webkan waa mamnuuc in aad ka ganacsataan, wixii ka soo hadhay intaasi fasax ayaad u tihiin Baarakallaahu Fiikum

Xadiiska Koowaad Ee Kitaabka Arbiciinka 1.Miisaanka Camalku Waa Niyadda

Sunday, 10 February 2008

الحديث الأول:- عن أمير المؤمنين أبي حفص عمر بن الخطاب (رضي الله عنه) قال: سمعت رسول الله (صلى الله عليه وسلم) يقول: "إنما الأعمال بالنيات و إنما لكل امرئ ما نوى، فمن كانت هجرته إلى الله ورسوله، فهجرته إلى الله ورسوله، ومن كانت هجرته لدنيا يصيبها أو امرأة ينكحها، فهجرته إلى ما هاجـر إليه". (رواه إماما المحدّثين: أبو عبد الله محمـد بن إسماعيل بن إبراهيم بن المغيرة بن بردزبه البخاري الجعفي، وأبو الحسين مسلم بن الحجاج بن مسلم القشيري النيسابوري في صحيحيهما اللذين هما أصح الكتب المصنفة).

Waxa laga wariyey Amiirkii Mu'miniinka Cumar Ibn al-Khaddaab (RC) inuu yidhi, waxaan maqlay Nebiga (CSW) oo leh Camalka waxaa saldhig u ah niyadda qof kastaana wuxuu helaa niyaddiisa, markaa qofkii u hijrooday Illaahay dartii iyo Rasuulkiisa wuxuu helayaa ajar illaahay. Qofkii u Hijrooday Inuu Adduunyo Helo Ama Gabadh guursado, isna waxaa lagu abaalmarinayaa niyaddiisa oo Illahaay ka sugi maayo abaalgud". Waxa weriyay Bukhaari iyo Muslim

Sharaxa Xadiiska:- Niyadda waxa looga jeedaa marka qofku shaqo qabanayo, wuxuu ula jeedo ama u qasad leeyahay, marka niyaddu waa saldhigga camalka qofka muslimka ah, waana miisaanka camalka lagu qiyaaso, marka haddii niyaddu saafi tahay oo lillaahi loola jeedo, rasuulkii allana howshaa lagu raad raacayo, camalkii waa ansaxay, haddiise wax kale lagu dheeho, ama aan rasuulkii lagu raad raaceyn, camalkii waa buray.

Hijradu waxay ahayd in markii gaaladu haysatay Makka laga tago oo lagu biiro xarunta islaamka ee Madiina, taana waxaa loola jeeday in qofku ka guuro meesha aanu ku haysan inuu ugu dhaqmo Diinta Islaamka si xoriyad

Faa'iidada Xadiiska: Wuxuu noo faa'ideynayaa xadiiskani arrimaha soo socda:

1. Inaan camalku ansaxeyn niyad Wanaagsan la'aanteed

2. In qofka laga abaalmariyo camalka uu niyada wanaag u sameeyo, shareecadana waafaqsan

3. Camalka Alla aqbalayo inuu yahay kan isaga dartii loo sameeyay hagar la'aan shareecadana waafaqsan.

4. Qofka Camalka uu sameeyo ee shareecada waafaqsanaa ku dara is tus-tus ama uga gogol leh camalkaa adduun ku hel, ama hal lagu ammaano ee magac iyo maal doon ah waxaa buraya ajarkiisa oo illaahay waxba ka sugi maayo.

set as your home page

Qormooyinka Todobaadkan

Weedh Qaaliya

Diin walbaaba waxay leedahay akhlaaq, akhlaaqda Islaamkuna waa xishoodka.

Ma ogtahay In

Suuratu Al-malik ay u shafeeco qaadeyso qofka akhriya maalinta qiyaamaha, sida ku sugnaatay xadiis saxeex ah oo laga weriyey Nebiga (CSW).

Akhri Oo Ku Dayo

Amiirkii Muslimiinta ee la odhan jiray Haaruun Al-Rashiid ayaa markii sakaaraadkii geeridu qabtay ayuu u dhawaaqay hogaamiyayaashiisii waxaanu ku amray in ay ciidankiisii soo tubaan. Waxaa goobtii la keenay dhammaan ciidankiisii oo ku gaashaaman saanadoodii oo dhan. Haaruun Al-Rashiid inta uu aad u ooyey ayuu yidhi, “ Ka aanu mulkigiisu taginow u naxariiso ka mulkigiisii tagay”. Waxa uu halkii ka sii waday oohintii ilaa naftu ka baxday.

Saddexlay

Saddex QUDHAANJADA kaga dayo:

1.Joogtaynta shaqada

2.Ku celcelinta isku dayga

3.Sixida khaladka

Hal Xidhaale

1.Kumuu ahaa Asxaabigii mar kasta oo uu ducaysto illaahay ka aqbali jiray ducadiisa?

2.Dawladii Cabaasiya maxaa loogu bixiyay magacaa?

3. Sheeg Suurada Aayad kasta oo ka mid ahi uu ku jiro kelmada allaah (الله)?

4.Waxa aad sheegta tirada Sujuudaha Quraanka ku jira iyo suuradaha ay ku jiraan?

5. Waxaad sheegtaa taariikhda Miilaadigu intay ahayd markii uu dhashay Rasuulka CSW?

Jawaabaha ku soo hagaaji emailka This e-mail address is being protected from spam bots, you need JavaScript enabled to view it

Jawaabaha Su'aalihii Hore

1.Waxaad sheegtaa shanta suuradood ee quraanka ugu horeeya ee Al Faatixa, Al Baqra, Al Cimraan,Nisaa iyo Maa'ida siday u soo kala hor degeen iyo halkay ku soo degeen Maka ama Madiina? Jawaab: Waxay u soo kala hor degeen sida ay u kala horeeyaan oo suuratu Faatixa waxay ahayd suuradii 5aad waxaanay ku soo degtay Makka ,suuratu Baqrana waxay ahayd suuradii 87 waxaanay ku soo degtay Madiina, suuratu Al Cimraan waxay ahayd suuradii 92 waxaanay ku soo degtay Madiina, suuratu Maa'ida waxay ahayd suuradii 112 waxaanay ku soo degtay madiina

2.Waxaad Sheegtaa Suuratu Baqra inta jeer ee ay ku jiro kalmada Allaah (الله)? Jawaab: Suuratu Al Baqra kelmada (الله) waxay ku jirtaa 282

3. Waxa aad sheegtaa Suuratu Al Cimraan inta kelmadood ee ay ka kooban tahay? Jawaab: Suuratu Al Cimraan waxay ka kooban tahay 3481 kelmadood

4.Waxa aad sheegtaa Suuratu Maa'ida inta xaraf ee ay ka kooban tahay? Jawaab: Suuratu Maa'ida waxay ka kooban tahay 12032 xaraf

5.Waxa aad sheegtaa tirada magacyada Naarta ee Quraanka ku jira? Jawaab: Tirada Magacyada Naarta ee ku jira Quraanku waa 9 magac, kala ah Jaxiima, Xudama, Saciira, Samuum, Naar, Jahanama, Saqara, Sijiin iyo Haawiya.

أسماء النار:- الْجَحِيمُ‏، ‏الْحُطَمَةُ‏، ‏السَّعِيرُ‏، ‏السَّمُومٌ‏، ‏النَّارُ‏، ‏جَهَنَّمُ‏، ‏سِجِّينٌ‏، ‏سَقَرٌ‏، ‏هَاوِيَة