Hadafkeenu waa Raali-gelinta Allaah, annagoo u badhax-tireyna Niyadda. Waxaanu ku dadaaleynaa inaanu Qaadno dariiqa sunnada Nabiga (s.c.w), Saxaabada Nabiga iyo dadkii wanaagsanaa ee salafkeena ahaa fahankooda. Caqiidadayadu waa: Manhajka Salafka si guud iyo taafasiisha caqiidadaba. Fahankayagu waa; inaanu Islaamka si guud u qaadano oon la kala qaybin lana kala dooran. Hadafkayagu waa: Inaanu Allaah Raali galino, dadkana ugu yeedhno/ jiidno dariiqaasi.

 Shabakadan Al-Hidaaya, waxay hindisaheedu yahay: Iney Xafiddo dhaxalka Culumada ee Cilmiyeed. Iney ururiso Culumada kala duwan ee ku filiqsan-yahay cilmigoodu maktabadaha. Iney u fududeyso Daalibul-cilmiga culuumta lagama-maarmaanka iyo asaaska u ah furaha Cilmiga. Ka barashada Culumada Cilmiga sharciga ah. Halganka lagula jiro dabargoynta jahliga ayey umada u soo dhaweyneysaa, soona hor dhigayaa baabab cusub iyo asaas ay ka bilaabaan culuumta diineed.

Manhajka webkan iyo sees dhigiisu waxaan ku soo koobeynaa ereyadan :- 1- Meesha aanu ka soo qaadaneyno diinta iyo tacliinteenu waa inta waafaqsan Kitaabka Allaah iyo Sunnada Rasuulka (Sallallaahu caleyhi wassalam), intaa waxa soo raaca waa Ijmaacada ummadan ee salafkoodii saalixa ahaa, waxaanu iska tureynaa wixii ka hor imanaya ama garab socda ee ka soo hor jeeda fahankaas iyo dariiqaasi. 2- Cid laga hor marin karaa ma jirto Kitaabka iyo Sunnada, ciddey doonto ha ahaatee, qiimaha iyo intuu doono ha weynaado qofkaasi.