Raali Gelin: Waxa aan idinka raali gelinaynaa wixii casharo ah ee ka maqan Boggan Alhidaaya iyo kuwa idin shaqayn waayayba, taas oo aanu imika ku howlanahay ka wareegitaanka shirkadan iyo dhisidii nashqada cusub, dhowaana insha allah aanu rajaynayno in hawada soo gasho.
Sidoo kale waxaanu ka codsanaynaa walaalaha khayrka jecel sida joogtada ahna u soo booqda Shabakadan in ay aad noogu dulqaataan nooguna soo ducaysaan in alle noogu denbi dhaafo khayrka aanu wadno noo mufudeeyana howshaa culays ee aanu soo wadno. Aniga oo ah C/fataax Xasan ahaana si gaar ah iigu soo ducaysaan in illaahay sw ii fududeeyo hab cusub oo aan jeclaa in aan dhegeysiga duruusta aan u soo geliyo oo ciladi iga hor timid in illaahay ii fududeeyo cilada ka saaritaankeeda.
Wargelin: Walaal Boggan Quraanka Shaqo ayaa ku socota waxaana imika ka shaqaynaya oo keliya ama aad dhegeysan kartaa Sh.C/raxmaan Sudeysi. Insha allah culimada kalena si dhakhso ah ayaanu u soo dhamaytiraynaa.
Suuratu Al-malik ay u shafeeco qaadeyso qofka akhriya maalinta qiyaamaha, sida ku sugnaatay xadiis saxeex ah oo laga weriyey Nebiga (CSW).
Akhri Oo Ku Dayo
Amiirkii Muslimiinta ee la odhan jiray Haaruun Al-Rashiid ayaa markii sakaaraadkii geeridu qabtay ayuu u dhawaaqay hogaamiyayaashiisii waxaanu ku amray in ay ciidankiisii soo tubaan. Waxaa goobtii la keenay dhammaan ciidankiisii oo ku gaashaaman saanadoodii oo dhan. Haaruun Al-Rashiid inta uu aad u ooyey ayuu yidhi, “ Ka aanu mulkigiisu taginow u naxariiso ka mulkigiisii tagay”. Waxa uu halkii ka sii waday oohintii ilaa naftu ka baxday.
Saddexlay
Saddex QUDHAANJADA kaga dayo:
1.Joogtaynta shaqada
2.Ku celcelinta isku dayga
3.Sixida khaladka
Hal Xidhaale
1.Kumuu ahaa Asxaabigii mar kasta oo uu ducaysto illaahay ka aqbali jiray ducadiisa?
2.Dawladii Cabaasiya maxaa loogu bixiyay magacaa?
3. Sheeg Suurada Aayad kasta oo ka mid ahi uu ku jiro kelmada allaah(الله)?
4.Waxa aad sheegta tirada Sujuudaha Quraanka ku jira iyo suuradaha ay ku jiraan?
1.Waxaad sheegtaa shanta suuradood ee quraanka ugu horeeya ee Al Faatixa, Al Baqra, Al Cimraan,Nisaa iyo Maa'ida siday u soo kala hor degeen iyo halkay ku soo degeen Maka ama Madiina?Jawaab: Waxay u soo kala hor degeen sida ay u kala horeeyaan oo suuratu Faatixa waxay ahayd suuradii 5aad waxaanay ku soo degtay Makka ,suuratu Baqrana waxay ahayd suuradii 87 waxaanay ku soo degtay Madiina, suuratu Al Cimraan waxay ahayd suuradii 92 waxaanay ku soo degtay Madiina, suuratu Maa'ida waxay ahayd suuradii 112 waxaanay ku soo degtay madiina
2.Waxaad Sheegtaa Suuratu Baqra inta jeer ee ay ku jiro kalmada Allaah (الله)?Jawaab: Suuratu Al Baqra kelmada (الله)waxay ku jirtaa 282
3. Waxa aad sheegtaa Suuratu Al Cimraan inta kelmadood ee ay ka kooban tahay?Jawaab: Suuratu Al Cimraan waxay ka kooban tahay 3481 kelmadood
4.Waxa aad sheegtaa Suuratu Maa'ida inta xaraf ee ay ka kooban tahay?Jawaab: Suuratu Maa'ida waxay ka kooban tahay 12032 xaraf
5.Waxa aad sheegtaa tirada magacyada Naarta ee Quraanka ku jira?Jawaab: Tirada Magacyada Naarta ee ku jira Quraanku waa 9 magac, kala ah Jaxiima, Xudama, Saciira, Samuum, Naar, Jahanama, Saqara, Sijiin iyo Haawiya.
